Saraar Media

Madaxweynaha Somaliland oo Qoyska iyo reer Somaliland ka tacsiyadeeyey Geeridii Marxuun Sh C/Raxmaan SH C Jowhar.

B Tarabi — Mon, 14 May 2012 01:07:59 +0000

Hargeysa(SaraarMedia)-Madaxweynaha Jamhuuriyada Somaliland Mudane Axmed Maxamed Maxamuud (Siilaanyo) wuxuu Tacsi udirayaa Qoyskii,Qaraabadii,Asxaabtii iyo dhamaan Shacbi weynaha reer Somaliland,sidaana waxaa lagu sheegay war saxaafadeed ka soo baxday Madaxtooyada Qaranka,iyadoo udhignayd sidan.

“Madaxweynaha JSL, Mudane, Axmed Maxamed Maxamuud (Siilaanyo) waxa uu tacsi Tiiraanyo leh u dirayaa Guud ahaan Shacbiga Somaliland, Qoyska Reer Sheekh Cali Jawhar, Eheladii, Qaraabadii, iyo Asxaabtii uu ka baxay Aqoon yahankii weynaa ALLE ha u naxariistee MARXUUM, DR. CABDISHAKUUR SHEEKH CALI JAWHAR oo ku geeriyooday (13.05.2012) Shil Baabuur oo ka dhacay Wadada u dhaxaysa Boorama iyo Dilla.
Madaxweynaha oo ka hadlaaya qiimaha u MARXUUMKU ku lahaa bulshada iyo Qaranka Somaliland waxa uu yidhi:-

ILLAAHAY NAXARIISYII JANNO ha ka waraabiye DR. CABDISHAKUUR SHEEKH CALI JAWHAR waxa uu ka mid ahaa aqoon yahanada waa weyn ee u dhashay Dalka Qiimo weyna ugu fadhiyey bulshada iyo Qaranka Somaliland, waxaanan illaahay ka baryayaa inuu dhamaanteenba Samir iyo iimaan ina siiyo, Cawil-naqiisana inoogu deeqo.

Sidoo kale Madaxweynuhu waxa uu illaahay uga baryayaa Oorida Marxuumka oo ku dhaawacan tahay shilkaa laftiisa Marwo Nimco Muxumed Maxamuud inuu illaahay u fudaydiyo Caafimaad deg-degana ka siiyo dhaawacaa ka soo gaadhay shilkaa baabuur.IN-NAA LILLAAHI WA IN-NAA ILAYHI RAAJICUUN.”

info@saraarmedia.com

Diig dagaalyahan ah oo Nin Maraykanka qudha kaga jaray.

B Tarabi — Mon, 14 May 2012 00:46:46 +0000

London(SaraarMedia)-Nin ka qayb galay daawashada meelaha Diiggaga dagaalama ee lagu khamaaro ayaa ugeeriyoodey dhaawac uu soo gaadhsiiyey Diig mindi lugta loogusoo xidhay oo kamid ah Diiggagii dagaalamayey gobolka Californiya.

Diigga waxaa lugta loogusoo xidhay mindi af fiiqan si uu uga qayb qaato dagaalka Diiggaga ee dadku khamaarka lacagta ku kala helaan magaalo kamid ah Badhtamaha Gobolka Californiya oo layidhaahdo Tulare.

Jose Lois Ochoa oo Shan iyo Sodon jir ah ayaa dhakhtarka ku geeriyoodey laba saacadood ka dib markii dhakhtarka lasoo gaadhsiiyey.Iyagoo dhakhaatiirtu sheegeen in Mr Ochoa uu Canqawga lugta midig ka mudey wax af fiiqan leh.waxse aanay kala hubin inay geeridiisa masuul ka tahay dhakhtarka oo uu kasoo raagey.

“Mr Ochoa wuxuu ahaa nin ku falan ka qaybgalka khamaarka noocan ah oo waxaa noo cadaynaya inay Maxkamaduhu kusoo xukumeen dembiyo la xidhiidha khamaarka Diiggaga Dagaalama sida isagoo lahaa iyo isagoo tababari jirey Diiggag”.sidaa waxaa tidhi saraakiisha Bilayska.

Maraykanka waa sharci daro khamaarka noocan oo kale ahi,laakiin Californiya ayaa ah meelaha lagula dhuunto ee dad badani utagaan inay ka qaybgalaan dagaalka Diiggaga.

bashirtarabi@saraarmedia.com

Manchester City win – The Premier League Cup

admin — Sun, 13 May 2012 19:36:36 +0000

Manchester City became English champions for the first time since 1968 as they beat Queens Park Rangers 3-2 at the Etihad Stadium with two injury-time goals.

Edin Dzeko equalised in the second minute of added time and Sergio Aguero scored the deciding goal two minutes later in an extraordinary end to the season.

Pablo Zabaleta’s first goal of the season after 39 minutes gave City the lead but it looked as if they had imploded after Djibril Cisseequalised three minutes into the second half then Jamie Mackie gave the visitors the lead on 66 minutes.

QPR were already down to 10 men at that point after Joey Barton was sent-off for elbowingCarlos Tevez and ugly scenes following the red card resulted in the five minutes of injury time.

Having held on for 25 minutes with a stoic backs-to-the-wall performance, Rangers then saw substitute Dzeko power home a close-range header.

And as Manchester United’s players and fans waited at the Stadium of Light with their 1-0 win over Sunderland sealed, Aguero danced into the area and fired a shot past Paddy Kenny at the near post.

Both City and United finished with 89 points, but Roberto Mancini‘s side had a goal difference eight goals superior to that of Sir Alex Ferguson’s club.

Rangers boss Mark Hughes, a former United player who was sacked as City manager in 2009 to make way for Mancini, still had reason to smile after the crazy finale as his side stayed in the Premier League following Bolton’s draw at Stoke.

City’s long-suffering fans invaded the pitch at full-time as an unpredictable Premier League season reached its climax after the closest and most thrilling title race for over 20 years.

First place has fluctuated between the Manchester clubs all season with United top until the beginning of October before City went ahead until the start of March.

United then opened up an eight-point lead by Easter time but that evaporated after an erratic run – and City went back to the summit on goal difference on April 30 when they beat United 1-0 at the Etihad.

For weeks Mancini has said United remained favourites to take the title, but he changed tack slightly after City’s 2-0 win at Newcastle last weekend and the Citizens became the fifth club to win the Premier League since its inception in 1992/93.

The afternoon was never going to be short of nervous moments, with United taking the lead at the Stadium of Light after 20 minutes and City struggling to penetrate a packed Rangers defence.

The breakthrough came six minutes before half-time via Argentine Zabaleta, although visiting goalkeeper Kenny should have done much better with the effort.

Yaya Toure played a ball through to the advancing full-back whose poke at goal was straight at the visiting custodian – and he let the ball slip through his gloves then was helpless as it looped in-off the far post.

The tension was ramped up on 48 minutes when Joleon Lescott made a complete hash of an attempted headed clearance and Cisse fired the Londoners level.

Just six minutes later and Rangers were down to 10 men after controversial midfielder Barton was dismissed for an off-the-ball incident with Tevez, the former City man elbowing the striker after the Argentine had kicked out at him – an incident missed by the match officials.

After being shown the red card, Barton kneed Aguero and headbutted Vincent Kompany in a melee before being hauled off the pitch by Micah Richards, although he still had time to confront Mario Balotelli before going down the tunnel.

Hughes brought on Armand Traore as they reshuffled and he silenced the Etihad by galloping 50 yards down the left flank before delivering a pinpoint cross which was headed home by Mackie at the far post.

It was just QPR’s third effort on goal and it looked like City were going to snatch defeat from the jaws of victory as they failed to break down a resolute visiting defence.

Kenny tipped a Tevez header over the top, turned a Dzeko poke around the post, clawed an Aguero effort off the line and pushed away a Balotelli drive as City threw the kitchen sink at Rangers.

There was anguish on the face of Mancini and most of those inside the stadium as despite 33 goal attempts, they still trailed when the fourth official held up the board to signal five added minutes.

But from their 19th corner, Dzeko powered home Silva’s delivery – and in a fairytale finish Aguero slammed home the winner with virtually the last kick of the Premier League season.

Source;

Yahoo Sports

Madaxtooyadda Somaliland Oo Soo Saartay Gabay Ay Ugu Tallo-gashay Xuska 21-guurada Madax-banaanida Jamhuuriyadda Oo Ay Curisay Haweenay Ka Tirsan Xisbiga Kulmiye

Editor — Sun, 13 May 2012 12:38:14 +0000

Burco (Saraarmedia) 13.05.2012 Madaxtooyadda Somaliland ayaa soo saartay Gabay ay ugu tallo-gashay xuska 21-guurada Madax-banaanida Somaliland, taasi oo ku beegan 18-ka bishan May.

Gabeygan oo ay samaysay Abwaanada lagu Magacaabo Koos Jaamac Dhunkaal oo ka mid ah xisbiga Kulmiye ayaa Magaciisu yahay Magow, waxaana uu si qoto dheer uga hadlayaa muhiimada Madax-banaanida Somaliland.

Gabaygan oo ka hadlaaya 18-MAY waxa Curisay Abwaan Koos Jaamac Dhunkaal oo inta badan Bulshada u soo bandhigta ama dareensiisa waxa jira ee wakhti xaadarkaa Umadu tebayso ee ay u dhegtaagayaan, maantana waxay Bulsho weynta Reer Somaliland Gudo iyo Debedba u soo bandhigaysaa Gabay la Magac baxay Magow oo ay ugu talo gashay Xuska Sannad guurada 21-aad ee ka soo wareegtay markii ay Somaliland Madax-banaanideeda kala soo noqotay Jamhuuriyadii la isku odhan jiray Somali-weyn waana sidan Midhaha Gabaygu.

Miinlayda Gabay waanigii Maaxin jiraye

Waa taan sidii mayeyga roob maayada ahaaye

Maantana masaladaan rabaan idin magowsiine

Dadow maqal Murtidu waa qalbiga muhashadiisiiye

18-May Waa Dharaar noo markhaatiyehe

Waa maalintaan goosaniyo Madashii weynaydee

Calankeenan Midabada leh iyo Magaca Tawxiidka

Waa maalintay Uumiyuhu meel fog ka arkeene

Mudane iyo Marwaba waa dharaar maalka loo huraye

Munaasibadan qaaliga ah ee magaca weyn reebtay

Maamuuska ay leedahay ayuu shacabku muujinayaaye

Madaxweyne-yaal Deris ah iyo Mudane Saaxiib ah

Waa yoom Murtida inagu dhaw lagu macsuumaaye

Waa yoom Midnimadeena iyo Cudud la muujaaye

Waa yoom makhluuq inna necbaa mooral kii jabaye

Maamuus dalkeenaa leh iyo madaxda loo doortay

Muslin iyo maseexiba Halqigu wayna mahadsheene

Musuq-maasaq meel aan lahayn maalna lagu booobin

Oon maganta joogtaa ka bixin muruq in loo sheegto

Somaliland baa u mudan uguna muuqdheere

Malkada aynu nooliyo Dawladaha inagu soo meersan

Masalooyin fiican baynu u nahay iyo midaad ku dayataane

Madax-doorashada laga heloo muran la’aan Dhiibtay

Masuulkii la doortiyo Bulshada Marinka qaadsiiyey

Midigtaan is wada haysanaa Mahad illaahaye

Mansha allaa Qarankaygii Maabkii (MAP) ku hagaagye

ABWAAN KOOS JAAMAC DHUNKAAL

Xigasho Ramaasnews Desk

Maxaabiis Soomaaliyeed oo Tiradoodu gaarayso 49-ruux oo laga sii-daayay Xabsi ku yaalla dalka Tanzania

admin — Sun, 13 May 2012 11:19:25 +0000

Tanszania (Saraar Media) — Maxaabiistii ugu tirada badnaa ee laga sii daayo abdi xabsiyada dalka Tanzania ayaa lasii daayay kaddib iskaashi iyo isfahan dhex-maray safaarada Soomaaliya ee dalka Tanzania iyo wasaaradda arrimaha gudaha dalkaas.

Maxaabiistan oo tiradoodu ahayd 49-ruux oo sadex ka mid ahi ay gabdho ahaayeen ayaa laga sii-daayay, kuwaasoo la qabtay xilli ay doonayeen inay qaab tahriib ah ku maraan dalkaas.

Dhallinyarada Soomaaliyeed ee xabsiga laga sii-daayay ayaa sheegay in ciidamada ilaalada xeebaha dalka Musambiik ay qabteen iyagoo doommo la socda ayna si xun ula dhaqmeen ka hor intii aan loosoo gudbin xabsiyada dalka Tanzania.

“Ciidamada Musambiik waxay noo geysteen falal kala duwan oo ay ka mid ahaayeen jir-dil, kufsi iyo dhac. Balse ciidamada Tanzania ayaa si wanaagsan noola dhaqmay,” ayay yiraahdeen maxaabiista qaarkood.

Maxaabistan ayaa uga digay dhallinyarada Soomaaliyeed ee doonaya inay tahriib galaan, iyagoo sheegay in muddadii ay tahriibka ku jireen ay la kulmeen dhibaatooyin aad u fara badan.

“Safarkeenna waxaan kasoo billownay magaalada Muqdisho waxayna rajadeennu ahayd inaan heli doonno nolol iyo dhaqaale ka fiican middii aan Muqdisho ku haysannay, balse waxaan la kulannay dhibaatooyin badan ka hor intii aanan gaarin halkii aan u soconnay oo ahayd Koonfur Afrika,” ayuu yiri Axmed C/samad Axmed oo ka mid ahaa maxaabiistii xabsiga laga sii daayay.

Maxaabiistan ayaa waxay xabsiga dalka Tanzania ku jireen muddo hal sano ah, iyagoo sheegay in si wanaagsan loola dhaqmay, waxaana qaarkood ka muuqday daal fara badan.

Dhinaca kale; dhallinyarada Soomaaliyeed ee xabsiga laga sii-daayay ayaa waxay u mahadceliyeen cid walba oo gacan ka geysatay in xabsiga laga sii-daayo, waxayna sheegeen inay dib ugu laaban doonaan Soomaaliya.

source;

Maxamed Xaaji Xuseen, Hiiraan Online

Sawiro: M/weyne Siilanyo Oo xadhiga ka jaray jidka isku xidha Dilla Illaa Boorame, Waddooyin cusubna dhagax-dhigay

admin — Sun, 13 May 2012 11:09:22 +0000

Hargeysa (Saraar Media)-Madaxweynaha Somaliland Md. Axmed Maxamed Maxamud (Siilaanyo) iyo Wefti Balaadhan oo Hogaaminayo ayaa maanta Socdaal shaqo ku tagey xarunta Gobolka Awdal ee Magaalada Boorame.

Waxa Madaxweynaha Somaliland Mudane Axmed Maxamed Maxamud (Siilaanyo) iyo weftigiisa ku qaabilay degmada Dila Mas’uuliyiinta heer gobol iyo mid degmo ee Gobolkaas .
Madaxweynaha Jamhuurayda Somaliland waxa uu xadhiga ka jaray Afar Km oo ah wadada isku xidha Dila iyo Boorama oo ay Xukuumadu dhismaheeda fulisay.

waxaa kale oo Madaxweynuhu uu dhagax dhigay Lix Km oo kale oo lagu kordhinayo wadadaasi.

Halkan hoose ka daawo Sawirada;

Sidoo kale waxa uu Madaxweynuhu dhagax dhigay 8km oo ka mid ah wadada xidhiidhisa Goraya-Cawl iyo Boorama. Mudane Axmed Maxamed Maxamud (Siilaanyo) ayaa hadal uu u jeediyay shacbiga ku dhaqan magaalada Dilla waxa uu uga mahad-naqay sida milgaha leh ee ay uga soo dhaweeyeen degmadaasi,waxaanu ku booriyay inay meel uga soo wada jeedaan wax kasta oo saamayn ku leh nabadgalyada guud ee dalka iyo ta gobolka awdal.

Madaxweynaha iyo Weftigiisu waxay markaas kadib u sii dhaafeen magaalada Boorama oo si balaadhan loogu soo dhaweeyay warku waxa uu intaas ku darayaa in Madaxweynuhu uu kulamo kala duwan kula yeeshay Huteelka Rays ee Magaalada Boorama maamulka, Waxgaradka iyo qaybaha kala duwan ee bulshada.

Source;

Somaliland.org / Gabiley News

Dagaal Dhexmaray Ciidanka Somaliland iyo Puntland oo Ka Dhacay Duleedka Badhan

admin — Sun, 13 May 2012 10:34:42 +0000

Badhan (Saraar Media):- Dagaal culus ayaa xalay fiidkii ku dhexmaray duleedka bari ee magaalada Badhan ee gobolka Sanaag ciidamada qaranka Somaliland ee halkaa degan iyo maleeshiyo ka tirsan ciidamada maamulka Puntland, kuwaasi oo ilaalo u ahaa wefti reer Puntland ah oo doonayay in ay yimaadaan magaalada Badhan. dagtaalkaasi oo la sheegay in uu socday saacado badan ayaa la isku adeegsaday noocyada kala duwan ee hubka.

Sida uu noo xaqiijiyey taliyaha guutada 19-aad ee ciidamada qaranka Somaliland Gen. Yaasiin Faarax Cismaan (Gurey) oo aanu khadka telefoonka kula xidhiidhnay isaga oo ku sugan magaalada Badhan, ayaa sheegay in dagaalkaasi uud hacay isla markaana ay khasaare kala duwan gaadhsiiyeen kooxdaasi ka socotay Puntland.
Waxaanu taliyuhu sheegay in ciidamada Somaliland ay khasaare balaadhan u gaysteen ciidamadaa Puntland ee la socday weftigaasi iyo gaadiidkii ay wateen, isaga oo taliyuhu xusay inay dhawr askari ka dhaawacmeen gaadiidkii ay wateen ay gaadhsiiyeen khasaare badan.

Weftigan ka socday maamulka Puntland ayaa la sheegay in ay ka mid ahaayeen laba wasiir ku xigeen oo uu ka mid yahay Wasiir ku xigeenka waxbarashada. U jeedadooduna ay ahayd iyaga oo doonayay inay yimaadaan magaalada Badhan, taasi oo salka u haysay ama la xidhiidhay arrimo siyaasadeed oo ay ka mid tahay sidii maamulka Puntland gacanta ugu dhigi lahaa magaalada Badhan.

Waxa kale oo ay noo xaqiijiyeen ila wareedyo la xidhiidha arrintaa weftigaasi inay doonayeen inay dejiyaan xaalad kacsan oo ka taagan dadka shacabka ah ee ku nool magaaladaasi, oo la sheegay in ay si wayn uga cadhoodeen hadal dhawaan ka soo yeedhay madaxweynaha maamul

Source;

Somaliland.org

Muranka 18 May ee London iyo Wakaalada Qurba Joogta JSL ee UK oo ku Bixisay £2500 Xalinta Murankaas

admin — Sun, 13 May 2012 10:12:45 +0000

London (Saraar Media) Shirkii Xaflada qaban qaabada 18 May ee London ayaa xalay ka dhacay galbeedka magaalada London halkaas oo ay isugu yimaadeen ururo badan oo qaar ka mid ah yihiin ururadii Wakaalada Qurba Joogta Somaliland ee UK ay u soo dooratay inay qaban qaabiyaan xaflada 18 May ee Magaalada London.

Shirkan waxaa kaloo ku sugnaa gudoomiyaha Wakaalada Qurba Joogta Somaliland mudane Abdirahman Ubaxle iyo dad kale oo iyaguna ka tirsan dadka daneeya qaban qaabada xaflada 18 May.

Shirkan oo ujeedadiisu ahayd sidii la isula meel dhigi lahaa hawlaha qaban qaabada xaflada iyo turxaan bixin lagu kala saarayey dad kale oo iyagu iskood u qabsanayey xaflada 18 May .

Wakalada qurba Joogta Somaliland UK waxa ay u xilsaartay qaban qaabada xafladan sadex urur , waa SSUK, Uururka Haweenka MARWO, iyo Ururuka Dhalinyarada Vision and Change oo isagu ah mid aan hore loo maqal isla markanaa ku cusub ururada somaliland ee UK.

Hadaba waxaa jirtey in ay si lama filaan ah u wada kireysteen Ururka SSUK iyo Ganacsade Mawliid labo Hall oo isku dhinac yaala isla markaana ku yaala xaafada Wemblay ee galbeed ka magaalada London.

Arintan ayaa waxa ay shirka ka dhalisay buuq iiyo sawaxan waayo laba Hall oo isku dhegan dadku waxay ka haystaan waayo aragnimo fiican oo waa tii sandkii hore ka dhacday waqooyiga magaalada London oo ceebtii ugu weynayd ka dhacday.

Kooxda ganacsaduhu hogaaminayo waxay ku andacoonayeen inay iyagu markii hore ay kireysteen Hall kooda oo aanay waxba kala socon Ururkan SSUK inay kiraysanayaan Hall ka ku dhegan iyo inkale isla markaana waxay doonayaan in loo soo celiyo Lacag dhan £4000 halka Ururuka SSUK ay diideen inay bixiyaan lacagtaa.

Markay arintu halkaa mareyso ayaa waxaa soo kala dhex galay Gud. Wakaalada Qurba Joogta Somaliland ee UK Mud. Abdiraxman Ubaxle oo isagu ku soo gaba gabeeyey in ganacsade Mawliid loo celiyo lacagta uu ku kireystay Hall ka taas oo dhamayd £2500 hawshana sidaa lagu dhameeyo waxaana lacagta sii bixi yey Gud. Abdirahmean Ubaxle.

Ganacsade Mawliid iyo kooxdiisii waa aqbalayn halkaana waxay ku qaateen lacagtii oo loo tiriyey sidaa ayayna ku dhamaatay labadii kooxood ee is haystay.

Maaha markii ugu horeysay ee fadeexado noocan oo kale ahi ka dhacaan qaban qaabada xaflada 18 May waayo waxaa koox waliba raadinaysaa sidii ay uga heli lahaayeen dhaqaale iyo magac ama mansab sharafeed taas oo meesha ka saareysa nidaamkii sharafeed ee lagu xusi lahaa xaflada 18 May ee ah maalin qaaliya oo ay xusaan dadka reer Somaliland.

Ilaa hada macada inay jiraan kooxo kale oo iyagu qabsanaya xaflada 18 May iyo inkale laakiinse waxaa la ogaan doonaa maalmaha fooda inagu soo haya .

Nidaamka ururada iskood isku magacaabay inay masuul ka yihiin shacab ka somaliland ayaa ah mid mudaba soo socday laakiin waxaad moodaa in maanta ay ugu fiicantahay mar hadii ay Dawlada somalialnd soo magacawday wakiil ka Jaaliyada UK taas oo hadaba aad arki kartaan sida uu hawshan u kala dhex galay isla markaana uu u soo doortey ururada qaban qaabin doona xafalada 18 May. Hadii ay sidan ku sii socoto waxaa la odhan karaa dadka waa la bari karaa kala dambaynta iyo nidaamka waxaana meesha ka bixi doona is qab qabsiga iyo kalinimo u socodka .

Cabdinaasir Cisman (Caynaawi)

caynaawi@saraarmedia.com

Wasiirka Macdanta iyo Biyaha Somaliland oo $0.5ml ku wareejiyey Wasaarada Maaliyada.

B Tarabi — Sun, 13 May 2012 01:31:01 +0000

Hargeysa(SaraarMedia)-Wasiirka Macdanta iyo Biyaha Eng Xuseen Cabdi Ducaale ayaa maanta oo uu shir jaraa’id ku qabtay Xarunta Wasaarada Macdanta iyo Biyaha Khasnada Dowlada ku wareejiyey lacag inyar ka badan Nus Malyuun Doolar oo ay bixisay shirkada OPHIR oo ku taxaluqda baadhista Shiidaalka Somaliland.

Shirkaa Jaraa’id oo ay goobjoog ka ahaayeen Wasiirka Maaliyada Mudane C/casiis Maxamed Samaale iyo Wakiilka Shirkada OPHIR Mudane Mustafe Nuur ayuu Mudane Ducaale ka sheegay in lacagtani ay tahay mid ku timi heshiis wax laga bedeley oo shirkadani la gashay Dawladii hore ee Udub,iyadoo shirkadu dhulka ay ka baadhi doonto Shiidaalka loo kordhiyey iyaguna ay ogolaadeen inay bixiyaan kirada dhulka ay degan yihiin iyo shaqooyinka ay dawladu uqabato shirkada dhinaca xafiisyada,shirkaduna ay balanqaaday inay dardar geliyaan hawlaha baadhista.

Wasiirka Macdanta iyo Biyuhu wuxuu ku wareejiyey Wasiirka Maaliyada Shan Boqol iyo Sagaal iyo Todobaatan kun Todoba Boqol iyo Shan iyo Sagaashan Doolar oo uu sheegay inay hordhac tahay isagoo intaa ku daray in Wasaarad ahaan ay ku dadaaleen sidii ay u bixin lahaayeen wixii wasaarad ahaan qabtay kharashaadka dawlada.

Waxaa isaguna halkaa ka hadlay Wasiirka Maaliyada Mudane Samaale oo sheegay in Wasaarada Macdanta iyo Biyuhu kasoo dhalaashay wixii looga fadhiyey inay ku kabto Miisaaniyada dowlada.

Wasiirka Macdanta iyo Biyuhu wuxuu hore ugu guuleystey inuu meel ku tiiriyo kharashka ku baxaya baahida biyo yaraaneed ee Gobolada oo ay ugu horayso Caasimada Hargeysa,isagoo Wadamada Yurub ee Midoobey ka helay Yabooh ka badan Sodon Milyan oo doolar.

Bashirtarabi@saraarmedia.com

Suldaan la xidhay intaan la caleemo saarin iyo Boqor Raabi oo kursigii ka ag duceeyey.

B Tarabi — Sat, 12 May 2012 15:40:43 +0000

Hargeysa(SaraarMedia)-Waxay Bilayska Magaalada Hargesi Jeelka utaxaabeen Caaqil Cawil Maxamed Fiiqle oo usharaxnaa maalintaasi inuu u dalaco Suldaan.Madasha laga kexeeyeyna waxay ahayd Hutel Shiraacle ee magaalada Hargeysa.

Caleemo saarkan oo aan agaasin la’ayn waxaa isugu yimid dad badan oo ahaa dadka doonayey inay caleemo saartaan iyo marti sharaf kale oo ay ka mid ahaayeen Boqor Raabi Yuusuf Ducaale oo isaguna ka mid ah madax dhaqameedyada magaalada Hargeysa.

Nasiib daro intaan caanihii lagu shubin Caaqil Cawil ayaa waxaa madashii yimid marti aan cidina casuumin oo laga soo diray saldhiga Bilayska,waxayna Bilayskii ukaxaysteen xagii Saldhigaa si ay su’aalo uwaydiiyaan.

Buuq talo firidhay kadib waxay Martidii iyo Taageerayaashii isla go’aansadeen inay Sawirka Caaqilka kursiga dulsaaraan isla markaana kasoo qaadaan inuu Suldaan udalacay,gebogebadiina waxaa isagoo hareeraha iska eegaya duco gaaban ka gaadhsiiyey Boqor Raabi oo ilaah uga baryey Suldaanka cusub inay shacabkiisu noqdaan kuwii adeeca Illaahayna xilka culus ufududeeyo.

Bilaysku waxay Caaqilkii soo daayeen dhowr saacadood kadib markay waayeen wax ay usii haystaan goortay dadkii kala tageen,sida ay kusoo warantay Togdheer News waxay sheegtay in Caaqilka ay dabinkaa udhigeen qaar ka mid ah Beeshiisa oo aanay dani ugu jirin Caaqilka iyo dalacaadiisa midna.

bashirtarabi@saraarmedia.com