Qahira (Saraar Media) Xaflad si heer sare ah loo soo agaasimay oo loogu dabaal degayo 21 guuradii ka soo wareegtay gooni isutaaga Jahuuriyada Somaliland, taas oo lagaga dhawaaqay Caasimada labaad dalka Somaliland Burco.Xafladan maalmihii ugu danbeeyay laga dareemay dhaqdhaqaaqeeda Magaalo Madaxda dalka Masar ee Qaahira ahaydna markii labaad ee taarikhda laga xuso xaflada 18 May dalka Masar; madasha xaflada lagu qabanayay oo aad u qurux badnayd iyo bilicsanaanta dadwaynaha kasoo qayb galay xaflada waxay ahayd mid indhaha qofkasta oo meesha jooga shacuurtiisa waddaniyadeed kor uqaaday isla markaana qof waliba dareemayay sidii uu dalkeenii hooyo kaga qayb galayo xaflada 18 May.
Hadaba bilawgii xaflada Ayaadaha Quraanka ah ee furitaanka kadib waxaa kalmad lagu soo dhaweeyey Gudoomiyaha Ururka Ardayda Somaliland ee Dalka Masar Jaamac Cali Ducaale.
Gud. Ururka Ardayda S/L Jaamac Cali Ducaale
Gudoomiyuhu waxa uu mahadnaq balaadhan u jeediyay ka soo qayb galayaashii xaflada sidoo kalena waxaaa uu u mahadnaqay cidkasta oo gacan kasiisay qabanqaabadii xaflada,intaa kadib waxa uu gudoomiyuhu isaga oo ka faa’iidaysanaya munaasibada qaaliga ah ee 18 May uu Hambalyo u diray shacabwaynaha Somaliland meelkasta oo ay joogaan gudo iyo dibadba;sidoo kalena waxaa uu ka sheekeyay xusuusta iyo qiimaha gaarka ah ee ay inoo leedahay xuska maalinta 18 May iyo in dib loo milicsado midhaha iyo aayatiinka fiican ee aynu ka dhaxalnay sida nabad galyada aynu shacab iyo dawladba ku naaloonayno iyo hanaanka iyo hab socodka dimuqaraadiyadeed ee dalkeenu kaga.
fiicnaaday ugana dhex muuqday sida cadceed soo baxaysa qaarada Afrika ee aynu ka midkanahay.
Waxaa isagana Makrafoonka lagu soo dhaweeyay Aqoonyahaha Cabdilaahi Nuur Xasan (Dahabshiil) oo isaguna si qoto dheer uga waramay marxaladihii kala duwanaa ee ay Jamhuuriayada Somaliland soo martay iyo hada xaalada dalka ku suganyahay.
Dhinaca kale waxaa uu aqoonyahanku kula dar daarmay shacab waynaha Somaliland in la ixtiraamo Dastuurka aynu dhiganay lana ilaaaliyo cadaalada shacabka.
Waxaa sidoo kale cod baahiyaha lagu soo dhaweeyay Gudomiyaha Naadiga Ardayda Soomaliyeed Ibrahim Xasan Ismaaciil oo isaguna ka sheekeyay taarikhda urur ka ardayda Somaliyeed oo ah mid kulmiya shanta Somaliyeed waxaa la aas aasay 1955 kii ayuu yidhi gudoomiyuhu,waxaanu ugu danbayntii hadalkiisa ku soo afmeeray inuu ku faraxsanyahay ka soo qayb galka xaflada kuna hambayeeyay dad waynaha reer Somaliland
Gud.Ibrahim Aw Xasan
Waxaa isaguna khadka telifoonka kaga qayb galay xaflada Wasiirka Madaxtooyada Somaliland Xirsi X.Cali Xasan oo aad ugu mahadnaqay jaaliyada iyo ardayda reer Somaliland ee Dalka Masar isda ay isugu duubanyihiin una ilaaliyaaan karaamada iyo sharafta Somaliland
Intaa kadib waxaa loo wareegay qaybtii murtida iyo madadaaladda taaas dadwaynihii ka soo qayb galay xafladu siwayn ula dhaceen waxa hogoomiynayay isku soo duba riday Qoraaga da’da yare ee Axmed-Deeq, taaso ay madashii is qabsadeen sacabka iyo mashxaradu Ciyaarihii hidaha iyo dhaqankana lagu soo bandhigay
Guntii iyo gabo gabadii waxay ahayd Xaflad aan marnaba ka maydhmi doonin maanka iyo maskaxda dadwaynihii ka soo qayb galay,siwayna ukicisay shucuurta dadka iyo dareenkooda muwaadinimoba.
C/casiis Xandule
Qaahira Saraar Media
Comments