Washington Dc (Saraar Medea) Banaan bixii ugu weynaa ee loo qabto xuska maalinta 18 ka May wadanka mareykanka ayaa maanta ka dhacay magaaladda Washington, DC, halkaas lagu soo bandhigey dhoolatus lagu taageerayo qadiyada, Somaliland, dadka ka soo qayb galay xafladan ayaa iyagu iskaga yimi gobolada wadanka USA oo dhan.
Dadkan ayaa waxa ay banaan bax la hor tageen Aqalka State Department-ka oo ah Aqalka looga taliyo wasaarada arimaha dibadda ee wadankan maraykanka.
Ugu horayntii waxay muujiyeen astaanta somaliland, sida calanka, iyo T -shirts iyo calaamado fara badan, oo ay ku qornaayen, arimo soo jiitay mushtamacii halkaas joogay. Eroyadaa waxaa ka mid ahaa: ”Somaliland Icon Of Peace And Democracy. Somaliland Shall Be Recognized, iyo Eryo kale oo ay ku dhawaaqayeen dadwaynahaasi.
Waxaa Goobtaas iyada ahayd yimi oo Qaabilay dadkaas Sarkaal Sare oo ka Tirsan Wasaarada Arimaha Dibada ee Maraykanka. Waxaa uu halkaas ka yidhi: “Aqoon wayn ayaan u leeyahay Somaliland, waanan ku hamblaynayaa dedaalka dheeraadka ah ay la timid, fariintana waan u gudbinayaa madaxda sare ee Wasaarada Arimaha Dibada, gaar ahaan Secretary of State, Ms Hilary Clinton.”
Anaga oo ah Cumar Axmed Xasan Iyo Mujaahid Suufi, waxaanu halkan uga mahadcelinayaa dadwaynihii sharafta lahaa ee nagala soo qayb-galay dhoolatuskan caalamiga ahaa ee aanu soo diyaarinay, sidaad wadankiina wakhtiigana ugu hurteen Ilaahay wax khayr qaba haydiinku bedelo. Somaliland na ha guulaysato. Aamiin.
Shacabka Somaliland na waxaanu leenahay gacmaha isqabsada, midnimada iyo nabadgalyadiinana ilaashada mar walba.
Cumar Axmad Xasan & Majaahid Suufi
Washington, DC, USA
omerhssn@yahoo.com
mubarigsuufi@yahoo.com
Comments